Friday, October 16, 2009

B'Day

జీవితం ఇంకో అడుగు ముందుకేసింది. కాలం తనకు మాత్రమే తెలిసిన గమ్యం దిశగా సాగిపోతోంది. బాల్యం వరం, యవ్వనం పరుగు, వృద్ధాప్యం జ్ఞాపకం. ఈ దశలన్నింటినీ ఒకే రోజులో చూపించగలిగేది జీవితం. ఎక్కడో చదివాను, వ్యక్తిత్వాలు, దృక్పధాలు మార్చడానికి పెద్ద పెద్ద సంఘటనలేమీ అక్కర్లేదు, ఒక్క తెల్ల వెంట్రుక చాలు అని. :-) నిజమేనేమో.

ఏం సాధించావు ? అని అడిగితే, పంచిన చిరునవ్వుల లెక్కే చెప్పుకుంటాను. ఏం సాధించాలనీ ? అని అడిగితే, ఆగకుండా సాగిపోవడమే అన్నది నా సమాధానం. నిజమో అబద్దమో కానీ, జీవితం క్షణికం మాత్రం కాదు, దాని ముగింపే క్షణికం. లెక్కకు అందని అనుభూతుల, అనుభవాల సమ్మేళనం అది. కాలం అనే ఉలితో ఎంతో నైపుణ్యంతో చెక్కబడిన శిల్పం అది. అందుకే నాకదంటే గౌరవం.

No comments:

Post a Comment