Saturday, October 24, 2009

సరదాగా నాలుగు లైన్లు

అలసిపోయిన ఆలోచనకి ఒంటరితనం - ఒక ముసుగు.
---
తెల్లారిపోయిన కలలకు స్వాగతం చెప్పేది - బెడ్ కాఫీ.
---
గెలిచాకే అర్థం అయ్యింది - నిన్నటి ఓటమి.
---
మచ్చలేని వ్యక్తిత్వాన్నీ నేలపాలు చెయ్యగలిగేది - స్వార్థం.
---
ఎంత సంపదతో అయినా వెలకట్ట లేనిది - అమ్మ చిరునవ్వు.
---
అక్షరాలే లేని అద్భుత పుస్తకం - అద్దం.
---
అన్ని ఋతువుల్లోనూ వర్షించేది - కన్నీరు.
---
చల్లని వెన్నెల్లోనూ గుండెను మండించేది - అసూయ.
---
సగటు జీవికి చివరికి మిగిలే fixed deposit - జ్ఞాపకాలు.
---
తలదించుకుంటే తప్పు నాదే అంటుంది - సమాజం.
---
జీవితమే అర్పించేసినా ఇంకా చెయ్యాలనిపించేది - ప్రేమ.
---
రాసిన నాలుగు లైన్లకీ ఎమిటా సంబంధం అని విచారిస్తోంది - నా బ్లాగు. :-)

No comments:

Post a Comment