Thursday, October 29, 2009

కవిత

ఓ రెండు బొట్ల అనుభూతి చాలదూ నేను కదలడానికి..ఏదో ఒకటి రాసుకుందామనిపిస్తుంది.. కానీ మళ్ళీ కొత్తగా ఏం రాయను ?చదివే ప్రతీ కంటికీ ఏంకావాలో నాకేంతెలుసు ?ఎంత నిట్టూరిస్తే మాత్రం.. నా బాధ నీకు అర్థమౌతుందా ?కన్నీళ్ళు అందరివీ వెచ్చగానే వుంటాయి.. కాని కలలు వేరు కదా... అయినా నువ్వు నా అక్షరాలే చదువుతానంటే.. నా నిశ్శబ్ధాన్ని ఎలా చెప్పను నీకు... నీతో మట్లాడాలనే వుంటుంది నాకు..కానీ నీతో మట్లాడితే నాకు నేను గుర్తొస్తానే.. .అదే భయం.. రాసుకున్న నాలుగు లైన్లూ చూసి.. ఇది కాదే చెప్పాలనుకున్నది .. అనిపిస్తుంది..ఎంచెయ్యను.. కాగితాల్ని చింపెస్తాను లే.. నాకు కనిపించకుండా...కాని అక్షరాల్ని ఎలా ముక్కలు చెయ్యడం.. అవి నన్ను వెక్కిరిస్తూనే వుంటాయి.నేను ఏడ్వకుండానే.. నువ్వు ఓదారుస్తావు.. నాకే నేను అర్థం అవ్వకపోయినా.. నీకు అంతా అర్థం అయ్యిందంటావ్..ఇదెక్కడి అన్యాయం..అయినా నీకు నేనంటే ఎందుకంత లోకువ..నా ఒంటరితనం నీకు కవిత్వం లా కనిపిస్తుంది.కన్నీరేమో కావ్యం అంటావ్.. నవ్వితే హరివిల్లంటావ్..నవ్వకపోతే సముద్రం అంటావ్.నేనేమైనా ప్రకృతిని అనుకున్నావా..ఎందుకు నేనంటే నీకు అంత అలుసు..నువ్వు నన్ను కవితా అని పిలవక్కర్లేదు.. నాకూ ఒక గుండె ఉందని ఒప్పుకో చాలు.. దాని రెప్పల సవ్వడి ఎప్పుడైనా విను. చాలు.

3 comments:

  1. Em raayalani Ento raasarandi.. meeru em raasina baaguntundi..! keep rock ;)

    ReplyDelete
  2. Modatisari chadivinapudu naku alane anipinchindi.. kani chivariki vachesariki.. malli modatinundi chadivithe, edo rayalanukuni matram definite ga rayaledani telustundi..
    ade kada 'kavitha' kuda badhapadutunnadi.. tana nundi edo asinchi chaduvutunnamani.. nenu ilanti article modatasari chustunna..
    Kala ku kuda (ikkada kavitha) jeevamuntundani.. artham chesukuni, taanu unnatte tanani aradhinche valla kosam araata padutundani..
    chamatkaram ga rasaru.. emantaru Vijay..anthena?
    meeku ila rayalanipinchataniki inspiration telusukovacha... :-)
    enduku adugutunnante... kavitha chala mandiki jeevam postundi.. (chaala kalala lane).. ala ani anandinchalsina aa kavitha.. mee aksharalalo tana vedana kanipistundi..

    ReplyDelete
  3. Thanks for your comments. Inspiration emee ledu, its just a random thought. Your comment looks more meaningful than my post. :-)

    ReplyDelete