Sunday, July 25, 2010

ఏకాంతానివా ? ఒంటరితనానివా ?


ఎవరివి నువ్వు ?
నా ఏకాంతానివా ? ఒంటరితనానివా ?

నువ్వు నా వైపుగా వేసే ప్రతీ అడుగు.. నా చే రెండు అడుగులు వెనక్కి వేయిస్తోంది..
నువ్వు నా వైపుగా వేసే ప్రతీ అడుగు.. మన మధ్య దూరం పెంచుతూనే ఉంది.
అద్దం ముందు నిలబడి నేను కాలాన్ని వెనక్కి.. ముందుకి నేట్టేస్తుంటాను..
కానీ ఆ గోడ మీదున్న గడియారం నన్ను చూసి నవ్వుతోందేం ?
గమ్యమంటూ ఏదో ఉంది.. అని నువ్వే నన్ను ఒదారుస్తావు..
కాని దాన్నెలా గుర్తు పట్టడం అది నన్ను దాటుకునిపోయేలోగా.. ?
క్షణం లో మొదలౌతుంది జీవితం.. అంతమయ్యేదీ క్షణం లోనే..
ఆ రెంటి మధ్య ఒక జీవిత కాలం ఎదురు చూపులేనా ?
నేను నిన్ను పొందుతున్నానా.. పోగొట్టుకుంటున్నానా ?
నన్ను నేను వెతుక్కుంటూ..

ఇంతకీ ఎవరివి నువ్వు ?
నా ఏకాంతానివా ? ఒంటరితనానివా ?

4 comments:

  1. మనసుకు హత్తుకునేలా వుంది. నిజంగా.

    ReplyDelete
  2. Enjoying loneliness is Solitude.

    ReplyDelete
  3. chala bagundi. ekanthaniki ontarithananiki unaa minute difference ni chala sensitive ga chepparu. ఆ రెంటి మధ్య ఒక జీవిత కాలం ఎదురు చూపులేనా ? ee line chadivite matram naku anipistundi, evarikosamo leka denikosamo eduruchupulo mana ekantham unte adi ontarithamane ani.

    ReplyDelete