Wednesday, October 20, 2010

ఈ నిర్లక్ష్యానికి ఎవరిదీ బాధ్యత ?

ఖమ్మం జిల్లాలో, తుపాకుల పై పోలీసులు నిర్వహించిన ఒక అవగాహనా ప్రదర్శనలో, పొరపాటున తుపాకీ పేలడం వలన ఇద్దరు పిల్లలు మరణించారు. మధ్యాహ్నం, భోజనానికి ఇంటికి వచ్చినప్పుడు TV9 లో ఈ వార్త చూసి, నిర్ఘాంత పోయాను. ఇది నిర్లక్ష్యానికి పరాకాష్ట. ఏ పాపం ఎరుగని ఇద్దరు చిన్న పిల్లల ప్రాణాలు, అకారణం గా గాలిలో కలిసిపోయాయి. ఎంత అమానుషం.. ఇందాకా న్యూస్ లో ఆ అధికారి వివరణ ఇస్తూ, ఎవరో ఒకరు బుద్ధిలేక చేసిన పనికి ఏంచెయ్యగలం అని చెప్పడం చూసి, నాకు వొళ్ళు మండింది. ఇలాంటి దిక్కుమాలిన వ్యవస్థలో నేనూ ఒక భాగం అయినందుకు సిగ్గు గా అనిపించింది. శాఖాపరమైన దర్యాప్తు అంటారు, ఏదో కంటి తుడుపు క్రమశిక్షణా చర్య తీసుకుంటారు. మీడియా కూడా కొన్ని రోజులకి విషయాన్ని మరచిపోతుంది. మనం కూడా. కానీ ఆ కుటుంబాల పరిస్థితి ? వాళ్ళు తేరుకోడానికి ఒక జీవిత కాలం సరిపోతుందా ? ఏంచేస్తే ఆ ముక్కుపచ్చలారని పిల్లల్ని తిరిగి తేగలం ? ఆ పసి మొగ్గలకు మరుజన్మ అంటూ వుంటే, మళ్లీ ఇలాంటి దిక్కుమాలిన సమాజాల్లో పుట్టించొద్దని ఆ భగవంతుణ్ణి మనసారా వేడుకుంటున్నాను.

No comments:

Post a Comment