Thursday, November 18, 2010

మీరు చదవని ఎంకి పాట!!

సుక్కనై రాతిరేల నీకు తోడవ్వకుంటానే ?

గురుతుకొస్తే సాలె, నా ఎంకి,
గుండె గుబులై పోతాది..
నన్ను నేను మరిసేపోతానే.
నాకు నా గురుతు రానీయకే..

తోడుగా నువ్వొస్తే ఓ సందేల,
ఎలుతురంతా సీకటై పోతాది..
నేను నీతో ఏకమై పోతానే.
నా తోడు వొదలకే..

దొరకనన్నావంటే ఓ నా ఎంకి,
బరువు బ్రతుకై పోతాది..
లోకమంతా నాకు ఎతుకులాటే.
నాతో దోబూచులాడకే..

సూసీ నను దాటేసినావంటే,
దాటీ నన్ను మరిసేసినావంటే,
యింక నేనెక్కడుంటానే..
సుక్కనై రాతిరేల నీకు తోడవ్వకుంటానే ?




మీరు చదవనిది అని ఖచ్చితం గా ఎలా చెప్పానంటే, రాసింది నేను కదా.. మీరు ఎక్కడ చదువుతారు.. :-) ఎంకి పాటలపై మక్కువతో ఆ శైలి లో రాసే ఓ తుంటరి ప్రయత్నం, అన్యదా భావించకండి.

(ఈ మధ్య, ముద్దు కృష్ణ గారి కవితా సంకలనం "వైతాళికులు" చదువుతున్నాను, అద్భుతమైన పుస్తకం)

No comments:

Post a Comment