Wednesday, January 19, 2011

నువ్వెక్కడ ? నేనెక్కడ ?

మొన్నెప్పుడో సడన్ గా ఈ ఆలోచన బుర్ర లోకి వచ్చింది.. "నేను నేనా.. లేక నా జ్ఞాపకాన్నా" అని.. మరీ పరమార్థాల్లోకి వెళ్ళకుండా, దానికి ఇంకో రెండు అనుభూతులు,వాక్యాలు జోడిస్తే, ఇలా మిగిలింది.



ఎగిరే ఆ గాలిపటానికి ఇంద్రధనుస్సు రంగులు అద్దేనా ?

ఎగసే ఆ ఏటి అలకు, తోడుగా, వెన్నెల కొలువుండిపోయేనా ?


నేను నేనేనా.. లేక గుర్తొచ్చే నా జ్ఞాపకాన్నా ?

నీవు నీవేనా.. లేక చిగురిస్తున్న నీ ఆశవా ?

మరి మనల్ని కలిపే ధైర్యం ఈ క్షణానికుందా . ?

లేక మన విరహమే ఈ జీవితమా.. ?


ఒంటరితనం ముసుగేసుకుని..

మనలోనే మనం.. మళ్లీ మళ్లీ పుట్టిన తరుణం..

జారిన ఆ కన్నీటి బొట్టు.. మన వర్తమానమా ?

అయితే ఆ వర్తమానం లో, నువ్వెక్కడ ? నేనెక్కడ ?

No comments:

Post a Comment