Thursday, April 14, 2011

పని చేస్తేనే జీతమా ? మరీ ఇంత అన్యాయమా ?

రాష్ట్ర ప్రభుత్వం విడుదల చేసిన కొత్త జీవో మరీ విడ్డూరం గా ఉంది, ప్రభుత్వ ఉద్యోగులు పని చేస్తేనే జీతమంట, మరీ ఇంత అన్యాయమా.. ఇది ఖచ్చితంగా మానవ హక్కుల ఉల్లంఘనే. ప్రభుత్వ ఉద్యోగమంటేనే నగదు బదిలీ పధకం లాంటిది. పని చేసినా, చేయకున్నా, జీతం ఇవ్వాల్సిందే. ఇది ఉద్యోగుల హక్కు, ప్రభుత్వ బాధ్యత. ఫర్ సప్పోజ్, కాలేజీ కి వెళ్ళాల్సిన కుర్రాడు, ఏ అభిమాన హీరో సినిమాకో తప్పక వెళ్లాడే అనుకోండి, అమ్మ అన్నం పెట్టడం మానేస్తుందా, నాన్న పాకెట్ మనీ ఆపేస్తాడా, లేదు కదా, ఇదీ అలాంటిదే, ఉద్యోగం అంటూ ఇచ్చాక, పని చేసినా, చెయ్యకున్నా, చెయ్యనివ్వకున్నా, జీతం ఇవ్వాల్సిందే. మీకు ఇంకా అర్థం అయినట్టు లేదు, ఇలాంటప్పుడే మనం వెంకటేష్ ఏం చెప్పాడో గుర్తుకు తెచ్చుకోవాలి. బీడీ తాగితే పొగ వస్తుంది కానీ, పొగ తాగితే బీడీ రాదు కదా.. ;-)

అసలు ప్రభుత్వ ఉద్యోగులకు ఇచ్చే అపాయింట్మెంట్ ఆర్డర్ లోనే ఉందంట, ఈ క్లాజు, పని చెయ్యక్కర్లేదు జీతం తీసుకోడానికి, లంచం కావాలంటేనే పని చెయ్యాలని అని. మరి ఆ రకంగా చూసినా, ఇది సర్వీసు నిబంధనలను అతిక్రమించడమే. కాబట్టి, ఇందుమూలం గా నేను ఉద్యోగ సంఘాలను కోరేదేంటంటే, మరి ఇంక వెనక్కి తగ్గేది లేదు, పని చెయ్యాలి అని రూల్ పెట్టాక కూడా ఉద్యోగాలు చెయ్యడం లో అర్థం లేదు, రాజీనామా పత్రాలు వాళ్ళ మొహాన కొట్టండి. పనే చేద్దామనుకుంటే, ఇక్కడే పని చెయ్యాలా, ఎక్కడైనా చేసుకోవచ్చు. ఏంటంటారు ?

కాకపొతే, ప్రభుత్వానికి కూడా ఓ చిన్న నివేదన:

నేను ఆంధ్ర విశ్వవిద్యాలయంలో ఎంటెక్ చదువుతున్నప్పుడు, మా ప్రొఫెసర్ గారొకరు, సెమిస్టరు లో రెండే రెండు సార్లు, క్లాసుకి వచ్చారు (పొరపాటున కూడా, "పాఠం చెప్పారు" అని చదవకండి), మిగతా రోజుల్లో ఎప్పుడూ ఆయన్ని డిపార్టుమెంటు దరిదాపుల్లో చూసిన గుర్తు లేదు, కోర్సు అయ్యాక, "నో డ్యూ" కోసమని ఆయన సంతకం పెట్టించుకోలేక తిరుగుతుంటే, మా ఫ్రెండ్ ఒకడు అందరికీ ఆయన సంతకం తానే పెట్టి సహాయం చేసాడు. డిపార్ట్ మెంట్ గుమాస్తా ఒకాయన్ని నేను అడిగాను, ఎవరైనా చెక్ చెయ్యడానికి వస్తే పరిస్థితి ఏంటని ? ఆయన నా వైపు వేదాంత ధోరణిలో ఓ చూపు చూసి, ఆ ప్రొఫెసర్ గారు తేదీ రాయకుండా ఇచ్చిన లీవ్ లెటర్ చూపించాడు. ఏ శనివారం సాయంత్రమో వచ్చి వారానికి సరిబడ సంతకాలు హాజరు పుస్తకం లో చేసి వెళ్తారంట ఆయన. ఆయన జీతం కూడా ఆపేస్తే బావుంటుందని ప్రభుత్వానికి నా వినతి. ఇక్కడే ఒక తిరకాసు వుంది, ఇప్పుడు ఆయనే మరి ఆ యూనివర్సిటీ రిజిస్ట్రార్, వీలుపడుతుందో లేదో :-) (ఆయన సేవలకు గుర్తింపు గా ఆ పదవి ఇచ్చారు లెండి, కుల ప్రాతిపదికన కాదు)

పనిలో పని, ఈ మధ్య పుట్టపర్తిలోనే ఎక్కువ కనిపిస్తున్న, డాక్టర్ రవిరాజ్ గారు (ప్రముఖ నెఫ్రాలజిస్ట్), KGH లో పని చేసినన్ని రోజులూ, ఆసుపత్రి వంక చూస్తే ఒట్టు, అప్పోలో లో ఆయన బిజీ అలాంటిది, పోనీ DME అయ్యాక ఏమైనా మారారేమో అనుకుంటే, విష జ్వరాలు ప్రబలిన ఏజెన్సి ఏరియా లో కనుక్కుంటే మనకి సరియిన సమాచారం వస్తుంది. మరి ఆయన జీతం లేక ఫించను విషయం కూడా ప్రభుత్వం ఒక సారి ఆలోచించాలి. ఇంకా, కడప ఎన్నికల్లో, వీధికో ఇంచార్జ్ గా, బిజీ గా ఉన్న (రాష్ట్ర) మంత్రులు, శాసన సభ ముఖం కూడా చూడని శాసన సభ్యులు, అతి పెద్ద ప్రజాస్వామ్యం లో ఓటు హక్కుని కూడా వినియోగించుకోని ప్రధాని గారు, ఇలా.. ఓ చిన్న లిస్టు ఉంది, వీరందరికీ కూడా జీత భత్యాలు తక్షణమే ఆపి తమ సచ్చీలతను నిరూపించుకోవాలని ప్రభుత్వాన్ని వేడుకుంటున్నాను.

చెప్పడం మరచాను, నాకు తెల్సిన ఒకరిద్దరు ప్రభుత్వ ఉద్యోగులు, భాగ్యనగరం లో సమ్మెల హడావిడి తగ్గాక, ఆదివారాలు కూడా పనిచేసి వాళ్ళ పని పూర్తిచేసారు, మరి ఆ ఆదివారాలకు ఏమైనా డబల్ పే ఇచ్చే ఉద్దేశం ప్రభుత్వానికి ఉందా ?

5 comments:

  1. i think people are questioning the rational of the governament behind this GO. what these stupid law makers are doing during assembly session. why don't they raise this kind of GOs against them. why all of a sudden governament realized that they are paying for people who are doing nothing?

    i am sure still people who are self sustained with ample amount of political background can not get affected by this kind of GOs.

    ReplyDelete
  2. veeti annitiki pariskaaram oka bhaarateeyudu kaani, oka aparachitudu kaani raavaali.

    ReplyDelete
  3. నిజమే మంచి ప్రశ్న లేవనెత్తారు.

    మానవ హక్కుల కిందికి రాకపోతే కనీసం జంతువుల హక్కుల కిందైనా పరిశీలించినా తెలబాన్ ఉద్యోగ సంఘాలకు అభ్యంతరం వుండదేమో. :))

    ReplyDelete
  4. Vijju.... too good! Nuvvu Naku Nachav cinema manam enni sarlu choosemo gani, ila manchi example ki set ayindi ;-)

    You have good humour and at the same time u r message is also powerful! Right from U r MTech Professor to the KGH Doctor and Finally the employees who work overtime to get the job done.

    Excellent keep writing!

    Proud to be u r friend.

    ReplyDelete