Friday, July 1, 2011

ఒకటీ.. రెండు, మూడు.. తరువాత నాలుగు.. అయిదూ. తరువాత నా మొహం..

ఈ లేటు వయసులో, ఇప్పుడు మీకు అంకెలు ఎందుకు చెప్తున్నానా అని మీ అనుమానం ? ఏ చానల్ పెట్టినా ఇదే గోల మరి, ఏంచెప్పమంటారు. మొదటి పదిలో పదిహేను ర్యాంకులు మావే అని ఒకడంటే, మా టాపర్స్ బ్యాచ్ లో ప్రతి ఒక్కరికి మూడు ర్యాంకులు వచ్చాయని మరొకడు. విషయం వరకూ పర్వాలేదనుకున్నా, దానికి వెనక వాయిస్ ఓవర్ కేక.. మీకు లక్ష్మీ గణపతి ఫిలింసే గుర్తొస్తుంది. నో డౌట్.

రాసే వాళ్ళకంటే సీట్లే ఎక్కువ అంటున్నారు మరి ఇంకా దేనికి పరీక్ష, ఓ సగం మంది నారాయణా నుంచి రాస్తే, మిగతా సగం చైతన్య లా ఉంది. మరి వాళ్ళకి కాక మీకూ నాకూ ర్యాంకులు ఎందుకొస్తాయి. ఇప్పుడు ఇండియా పాకిస్తాన్ మ్యాచ్ జరిగితే ఎక్కడైనా శ్రీలంక గెలుస్తుందా. మన ఎంసెట్ పరిస్థితీ అలానే తగలడింది. అసలు ఇంటర్ లెవెల్లో ఇంత పోటి.. ఇంత హడావిడి అవసరమా ? ఒకడు రోజూ పది మైళ్ళు పరిగెడుతున్నాడని.. మరొకడు మరో మూడు పరిగెట్టడం. పరుగెవరికోసమో ఎవరికీ తెలీదు. మున్ముందు జీవితానికి కావాల్సిన నైపుణ్యం ఏదైనా పొందుతున్నామా ఈ పరుగులో ?

ఓకే లెండి.. ఇప్పుడు ఇంతకంటే లోతుగా రాసే మూడ్ లేదు.. సో.. ఆరు.. ఏడు.. ఎనిమిది. మీ ఇంట్లో ఎవరైనా చిన్న పిల్లలు ఉంటే టీవీ పెట్టుకోమనండి, రేపటికల్లా అంకెలు వచ్చేస్తాయి. (శృతి సంగతి మాత్రం అడక్కండి.. ;-) )

(నా గోల ఇలా ఉంటే, మా ఆవిడ మాత్రం మొగలి రేకుల్లో ఆలీ గురించి తెగ వర్రీ అయిపోతోంది.. ఇప్పుడు నేను ఇంక సముదాయించాలి.)

1 comment:

  1. meeru sarigga chusinattuledu 1,2 ,3 kaadu 1,1 1, 3,3...etc so pillaluchusthe ankalni addadidaddamga nerchesukuni ave correct anukogalaru:)

    ReplyDelete