Wednesday, July 27, 2011

ట్వీట్లండీ ట్వీట్లు.. వేడి వేడిగా.. (స్టాకు పాతదీ.. పోస్టు కొత్తదీనూ)

సాయంత్రం, జన్మదిన శుభాకాంక్షలు చెప్దామని మా పిన్నికి ఫోన్ చేసాను. సంగతులన్నీ అయ్యాక, "ఏదో మౌనం మాట్లాడుతుందన్నావ్, ఎక్కడ్రా" అంది పిన్ని. అప్పుడు నాకు అర్థం అయ్యింది, మనం ఎంతో ఆతృతగా మొదలు పెట్టిన ట్విట్టెర్ పెద్దగా ఎవరి కళ్ళల్లోనూ, కాళ్ళల్లోనూ పడటం లేదని. అందుకని ఓ చిన్న సర్దుబాటు చేసుకున్నాను, నేటితో ఎలాగో ఓ పది మౌనాలు ట్వీటాం కాబట్టి, వాటన్నిటినీ కలిపి ఓ పోస్ట్ గా రాస్తున్నాను. ఈ పాత సరుకు కొత్త సీసా పద్దతి నాకూ పెద్దగా రుచిగా లేదు కానీ, తప్పడం లేదు. పండగ చేసుకోండి మరి.



2G కుంభకోణంలో నాపేరు కూడా బయటపెట్టేస్తారేమో అని భయంగా ఉంది. నేనూ అదే సమయంలో ఓ రెండు ఫుల్ టాక్ టైం కార్డులు కొన్నాను.. పర్లేదు కదా.. ? ;-)
=================================

ఓటమిని అంగీకరించ లేకపోవడమూ అహంకారమేనా ?
=================================

కొన్ని మాటలు, కాలాన్ని గెలిచి మనసులో ఎప్పటికీ నిలచిపోతాయి. కానీ గుర్తొచ్చినప్పుడల్లా, ఓ కొత్త అర్థాన్ని ఇస్తాయి.
=================================

నన్ను నేను గెలవడానికి ఒక్క జీవితం సరిపోతుందా,... సరిపోక తప్పదేమో ?
=================================

ప్రతీ సమస్య కి ఒక పరిష్కారం ఉంటుంది. ఆంటే పరిష్కారం లేనిది సమస్య కాదన్నమాట. :-)
=================================

అమెరికా లో ఎన్ని తెలుగు సంఘాలున్నాయి ? మన రాష్ట్రం లో ఎన్ని కుల సంఘాలున్నాయి ? ;-)
=================================

మౌనం మాటలాడినప్పుడు.. మాటలకు అర్థం వెతక్కూడదు.. ఎందుకంటే భాష హృదయానిది కాదు..
=================================

వంద అబద్దాలు చెప్పైనా ఒక అబద్దాన్ని నిజం చెయ్యొచ్చు. కానీ ఎన్ని అబద్దాలు చెప్పి ఒక నిజాన్ని అబద్దం చెయ్యగలం ? ;-)
=================================

ప్రేమ విషయంలో మనం చేసే మొదటి పొరపాటు, ప్రేమంటే ఎదో పొందడం అని అనుకోవడం..
=================================

నేను కళ్ళు ఎప్పుడు తెరవాలి ? వెలుగు మనసుని తాకినప్పుడు.
=================================

3 comments:

  1. superb superb!
    అన్నీ నచ్చాయి.

    ReplyDelete
  2. ధన్యవాదాలండీ. :-)

    ReplyDelete
  3. అన్నీ బాగున్నాయ్ సోదరా, అన్నిట్లోకి ఇది బాగా నచ్చింది.
    ''ప్రతీ సమస్య కి ఒక పరిష్కారం ఉంటుంది. ఆంటే పరిష్కారం లేనిది సమస్య కాదన్నమాట''

    ReplyDelete