Sunday, August 11, 2013

ప"రాయి" మనిషి


నటన.
నాలోనే.. నేనే..
అలుపెరుగక నటిస్తుంటాను.
కాస్త పోగొట్టుకుంటే చాలు..
పడాలి కదా అని బాధ పడిపోతుంటాను..
ఏం పొందినా.. సంతోషం తెచ్చి అతికించుకుంటాను.
నవ్వే లేని చిరునవ్వులకి కొదవే లేదు..
కన్నీళ్లు లేకపోయినా,
ఒదార్పుని ఆస్వాదిస్తాను.
ఆపద ముంచుకొస్తే,
లేని భయం నింపేసుకుంటాను.
గుండె కాలకున్నా..
కళ్ళల్లో మంటలు రగిలిస్తాను.
లోపల తడి చుక్కే లేకున్నా..
ధారలుగా ప్రేమ వర్షిస్తాను.

నేను ఎంత గొప్ప నటుణ్ణో..
నటనే జీవితం చేసుకున్నాను.

నేను నవ నవీన మానవుణ్ణి,
జీవించడానికి అస్సలు సమయమే లేని వాణ్ణి..
స్థిత ప్రజ్ఞుణ్ణి కాను..
మరలతో మనుగడ వెతుక్కున్న..
"మర"మనిషిని..
మరణాన్ని గెలవాలని,
బ్రతకడమే మానేసిన ప"రాయి" మనిషిని.

3 comments: