Sunday, February 23, 2014

నాన్న


నాన్న

నాన్నని అయిన ఎనిమిది నెలలకి  అర్థం అయ్యింది..
ఎనిమిదేళ్ళ వయసులో నేను పోగొట్టుకున్నదేమిటో..
కొన్ని మళ్ళీ మళ్ళీ పొందగలం..
కొన్ని ఒక్కసారే.. పొందినా..
చేజారిపోయినా...

కోల్పోయిన బంధానికి...
రుచే చూడని కొన్ని అనుభవాలకి..
ఆ దైవాన్ని ప్రశ్నించాలనిపిస్తున్నా..
ఇన్నేళ్ళ ప్రయాణంలో ఆ లోటే తెలియనివ్వని అమ్మకి..
దాసోహం అనాలనిపించింది.
ఈ క్షణం నాలో ఉప్పెనై వెల్లువెత్తిన ఈ కన్నీరు.. వేదన.. 
ఆమె ఒక జీవితం మోసింది.. దాచింది.
ఇంకించేసుకుంది. తనలో.

కాలం మనది కానే కాదు.. కానీ జీవితం మనదే.
పరిస్థితులు మనచేతిలో ఎన్నడూ లేవు.. ఉండవు,
కానీ ప్రతిస్పందన మనదే. బహుశా..

నేర్చుకోవడం అంటే..
ఉన్నది ఏదో.. తెలుసుకోవడమే..
కాబోలు. అదేనేమో బ్రతికేయడం అంటే..
జీవించడం అంటే.

1 comment:

  1. చాలా చాలా బాగుంది ,ముఖ్యంగా చివరి రెండు పేరాలు.

    ReplyDelete