Thursday, June 5, 2014

నా నడక..

నాకు నడక రానే లేదు.
అడుగు అడుగులో పడిలేస్తూ ఉంటాను..
కానీ నా నడక ఆగలేదు.

నా పరుగు వేగంగా లేదు..
మలుపు మలుపులో చతికిలబడిపోతాను.
కానీ పరుగు మానలేదు.

నా ప్రయాణానికి దిశ లేదు.
ప్రతీ మజిలీలో దిక్కు మారిపోతాను.
కానీ పయనం ఆపేయ్యలేదు.

నాకు గమ్యమంటూ లేదు..
అనుక్షణం... లేని అర్థమేదో వెతుకుతుంటాను..
కానీ కలల్ని చిదిమెయ్యలేదు.

నాకు జీవితం అక్కర్నే లేదు..
ప్రతిపూటా భారంగా కదులుతుంటాను..
కానీ దాన్ని మధ్యలోనే ముగించేయలేదు.


అంతా అబద్దమే అని లోలోపలే నమ్మేస్తూ.

అంతా నిజమే అని బయట నన్నే నమ్మించేస్తుంటాను.

కానీ నమ్మకం చావనివ్వలేదు. ఇంకా.

No comments:

Post a Comment