Monday, October 20, 2014

వాడిపోయిన బృందావనం

వాడిపోయిన బృందావనం 

కూలిపోయిన మహా వృక్షాలు
 
అడ్డంగా విరిగి ముక్కలైన నగరపు పునాదులు..
ఏదో కార్చిచ్చు కౌగిలిలో నలిగి పోయినట్టు
 
ఏదో దయలేని ప్రళయం పరిహసించినట్టు 


ఏమిటీ ఉత్పాతమ్.. ఏమిటీ 
విధ్వంసం 
ఏదో శత్రు సైన్యం నగరాన్ని ఊచకోత కోసినట్టు

ప్రశాంతతే స్వభావం అయిన నగరమ్..
చిగురుటాకై నేల రాలింది
దారిలేకే వాడిపోయింది
ఎవరినో తప్పుపట్టడం తెలీని విశాఖ
తనలోకే తాను ముడుచుకుపోయింది 


ఎవరిని కదిపినా కన్నీళ్ళే
తమకోసం కాదు.. తమవాళ్ళ కోసమూ కాదు.
కేవలం తమ కలల నగరం కోసం.
 
కానీ, ప్రతీ విధ్వంసం మరో పుట్టుకకి నాంది
 
దేశమంటే మట్టి కానే కాదు
విశాఖ అంటే విరిగిన వృక్షాలో ..
కూలిన స్తంభాలో కాదు.
మన నగరమంటే మనమే 


ఒకరికొకరం సాయం చేసుకుంటూ
సంతోషాలని పంచుకుని పెంచుకుంటూ
శ్రమైక జీవన సౌందర్యాన్ని తెలిసి..
మనంగా కలిసి.. జనంగా మురిసి.. మెరిసి..
ప్రయోజనాన్ని, మనుగడ పరమార్థాన్ని
అనుదినం అన్వయించుకుంటూ
మరో నూతన విశాఖని ఆవిష్కరించుకుందాం
 
పెనుగాలికి చెదరని విశాఖని గుండెల్లో దాచుకుందాం.