Sunday, November 1, 2015

ఏం ప్రయాణమో ఇది..


బ్రతికేస్తున్నా ఇరవై నాలుగు గంటలూ,
మనసుకి దగ్గరైన క్షణాలెన్ని..

అడుగులతో వేల మైళ్ళు దాటేసినా,
తగ్గిన దూరాలెన్ని..

అర్థం లేని మాటలు, అక్కర్లేని కన్నీళ్ళు,
ఎన్ని పారేసుకున్నా,
గుండెకి తోడుగా దొరికిన నేస్తాలెన్ని..

ఏం ప్రయాణమో ఇది, సాగే కొద్ది సన్నమైపోతోంది.
ఎదిగే కొద్ది ఒంటరైపోతోంది..

ఇదే జీవితం అని సరిపెట్టేసుకున్నా,
ఇలా కాదు, మారోలా అంటూ అనుక్షణం చంపుతుంది.

వూపిరిని వదిల్చేసుకున్నాక కూడా,
ఎవరెవరి జ్ఞాపకాల్లోనో బ్రతికించి..
మళ్ళీ చంపుతుంది.

No comments:

Post a Comment